|
A idea da beleza –en gallego- "Fóra. Fóra tribo. … Se bailaras comigo habías de comer o saber cru a impalabra do meu carácter montañés bárbaro e voitral habías de beber os ouriños benditos por belce bú come come tú. A foránea levo nunha lingua anticrista unha flor unha flor unha flor tan aberta que pensa …se bailaras comigo ata partirme o espiñazo e facer dúas de min meu ben se me viras ben ven e baila comigo. Vivín coa boca seca coma o deserto de Dakar ata tocar a punta infinitesimal dos meus mexos marqués marqués da nada só señor da miña vaxina noite inmensa papila gustativa do mundo vulva perfuradísima botón da tierra antilei da gravitación universal. O centro da terra non atrae as miñas verbas eu douchas de comer na túa ansia coprófila esta excrementación silábica esta apalabración que me inflama os intestinos cheos de amor e merda. A idea da beleza cruzando o celo cara o sur na migración das aves describe a curva depravada o grao máis alto de poesía pura caendo coma a suor polos teus poros abertos que son buratos negros e unha cousa preciosa da astrofísica. A idea da beleza migra no teu cuspe esa substancia que rompe a barreira do son sobre min podemos Foder ata romper a paus o espírito de Deus podemos Foder ata sentir o cu da noite onde ninguén viu as patas dunha garza anunciar a luz do día Foder ata arrasar as cordilleiras da miseria podemos Foder ata caer sentir o crac do cromosoma do poder podemos Foder ata tocar a nosa soedade co teu prepucio só Foder nos ata o final asa ver a morte curvándose na derradeira postura do pracer Foder ata Foder e xa non ser máis cá sombra dunha dimensión fodendo a catro patas no borde do universo ti e eu Fodendo de xeonllos na noite estrelada da mente de Platón pensando quizáis na idea da beleza. " epdlp.com |